Betawi

Betawi atawa Batawi (hurup Arab Gundul: بتاوى) atawa Betawiah atawa Batawiah^[1] (hurup Arab Gundul: بتاوية; Welanda: Batavia atawa Batauia) entu Hindia Nèderlan punya hopstad, nyang wayah gini wilayahnya kurang lebi jadi Jakarta, Indonésia punya hopstad. Betawi dikeja di atu hawen kenamaan, nama Jaketra (basa Jawa: Jayakarta) nyang dibètak deri cokolan tangannya Kesultanan Banten. Sebelonnya dicokol ama Banten, ni bandar mashur sebagé Kalapa atawa Sunda Kelapa, èn atu deri Kerajaan Sunda punya titik dagang. Deri ni kota hawen, Kumpeni ngendaliin dagang èn kuasa militèr serènta pulitik di mana-mana wilayah Nusantara.

1. ↑ "Ms. or. fol. 547b". (1696).